|
|
NOVAS |
FINALIZADAS AS OBRAS DE URBANIZACIÓN NO LUGAR DE OUTEIRO, PERTENCENTE ÁS PARROQUIAS DE PROENDOS E ARROXO
O Goberno local do Concello de Sober vén de rematar as obras de urbanización no lugar de Outeiro, pertencente as parroquias de Proendos e Arroxo.
Así o avanzou o alcalde do municipio, Luis Fernández Guitián, quen precisou que “os traballos foron financiados cun montante total de 35.000 euros con cargo á Área de Rehabilitación Integral (ARI) do Concello”.
O rexedor indicou que as actuacións consistiron na renovación completa do firme coa colocación de adoquín de granito. Ao mesmo tempo, engadiu, “tamén se aproveitou para mellorar as redes de abastecemento e saneamento do lugar”.
O alcalde soberino avanzou ademais que nas próximas semanas está previsto facer novas obras de urbanización, tamén con cargo á Area de RehabiIitación Integral, na Praza da Igrexa da parroquia de Bolmente.
Guitián salientou a importancia da execución destas actuacións “que teñen a finalidade de renovar por completo espazos emblemáticos do rural do noso municipio e pretenden mellorar o día a día dos nosos veciños e veciñas”.
|
|
|
|
|
|