|
|
NOVAS |
FINALIZADAS AS OBRAS DE CINCO ÁREAS DE OCIO EN PARROQUIAS DE SOBER
O Goberno Local do Concello de Sober vén de rematar as obras de cinco áreas de ocio en parroquias do municipio. Así o avanzou o alcalde, Luis Fernández Guitián, quen precisou que as actuacións suman un montante total de 40.000 euros e contaron cunha subvención da Consellería de Presidencia da Xunta de Galicia, a través do Fondo de Compensación Ambiental.
Guitián sinalou que as novas áreas que de ocio que xa están dispoñibles dende hoxe “son un parque infantil e unha área biosaudable no lugar de Sistín do Mato; unha área biosaudable en A Carreira; un parque infantil en Campo de Anllo; unha área biosaudable en Campo de Bulso e un parque infantil e área biosaudable en A Airexa de Gundivós.
Dende o Goberno municipal de Sober avanzaron ademais “que tamén están en proxecto novas construcións similares noutras parroquias e lugares do Concello coa finalidade de axudar a mellorar a calidade de vida dos nosos veciños e veciñas”.
Luis Fernández Guitián animou a todos os soberinos e soberinas, tanto aos nenos como aos maiores, a usar estas novas zonas para facer deporte, que é tan beneficioso para a saúde, dun xeito gratuíto e ao aire libre”.
|
|
|
|
|
|