|
|
NOVAS |
O CONCELLO DE SOBER VACINARÁ DE FORMA GRATUITA PARA PREVIR CONTRA A ENFERMIDADE DO ‘CHANCRO’ A TODOS CASTIÑEIROS DO MUNICIPIO
O Goberno local do Concello de Sober colaborará cos propietarios de castiñeiros do municipio para protexer a todos castaños da enfermidade do "chancro". Deste xeito vacinaranse de xeito preventivo e de forma totalmente gratuíta a todas as árbores.
O alcalde soberino, Luis Fernández Guitián, precisou que “os veciños teñen ata finais de mes para comunicar nas instalacións municipais do Concello os soutos onde queren que se faga o tratamento”.
A inoculación da vacina farase de xeito totalmente gratuíto dende o departamento de sanidade vexetal da Consellería de Medio Rural da Xunta de Galicia en colaboración coa Indicación Xeográfica Protexida ‘Castaña de Galicia’.
Guitián salientou a importancia desta actuación “para loitar contra este fungo que ataca a un alto porcentaxe dos castiñeiros galegos” e animou a todos os soberinos “a solicitar a aplicación desta vacina para loitar contra a praga”.
O ‘chancro’, o inimigo dos castiñeiros
O chancro do castiñeiro é unha enfermidade producida polo fungo ‘Cryphonectria parasitica’ que nos últimos tempos está afectando a un alto porcentaxe das árbores galegas e causando nefastas consecuencias para os produtores de castaña. Os síntomas máis visibles do ataque desta enfermidade son o marchitamento e amarilleo do tronco e do pé da árbore e o secado da forraxe. Trátase dunha enfermidade moi contaxiosa e activa que se transmite facilmente mediante a poda ou a realización de inxertos.
|
|
|
|
|
|