NOVAS DO CONCELLO

NOVAS O CONCELLO DE SOBER ACOMETE OBRAS DE MELLORA NA GARDERÍA MUNICIPAL O Goberno local do Concello de Sober está realizando obras de mellora na Gardería Municipal. A inversión total das actuacións no edifico ascende a 22.600 euros, dos cales, 19.600 euros son aportados pola Dirección Xeral de Familia, Infancia e Dinamización Demográfica da Consellería de Política Social da Xunta de Galicia dentro do Plan de Axudas á Rede Pública de Escolas Infantís.   O alcalde soberino, Luis Fernández Guitián, salientou a importancia destas obras e apuntou “que as reformas que se están levando a cabo mellorarán substancialmente tanto a parte interior como a exterior a gardería e permitirán que os nosos nenos e nenas xoguen nunhas condicións máis cómodas”.   Gutián sinalou que, en concreto, as actuacións que se están realizando no Punto de Atención á Infancia Municipal consisten “na renovación das persianas, no acondicionamento e peche perimetral da área exterior de xogos e a colocación diverso mobiliario novo”.   O alcalde avanzou tamén que as obras, que xa están en marcha, está previsto que estean rematadas a principios do mes de decembro.   O rexedor soberino recordou que o “PAI de Sober conta con 20 prazas para alumnos de 0 a 3 anos e 3 profesoras. E dende fai anos esa vintena de prazas están ocupadas, habendo incluso lista de agarda para poder optar a unha”.