NOVAS DO CONCELLO

NOVAS O CONCELLO DE SOBER REMATA AS LABORES DE MELLORA DO PAVILLÓN DE DEPORTES MUNICIPAL O Goberno local do Concello de Sober vén de rematar as labores de mellora do pavillón de deportes municipal. O alcalde, Luis Fernández Guitián, amosouse moi satisfeito co resultado dos mesmos e precisou que “estas obras, que eran unha das prioridades do equipo de goberno, son xa unha realidade”.   As actuacións consistiron, en concreto, na colocación dunha nova grada con capacidade para 200 persoas sentadas. “Esta semana finalizamos as labores de instalación desta nova gradería”, precisa o rexedor soberino. Así mesmo, o mes pasado realizáronse traballos de acondicionamento da pista de xogo coa aplicación de pinturas adecuadas ao uso deportivo.   Guitián apuntou que “estas dúas actuacións leváronse a cabo con fondos municipais e supuxeron unha inversión de máis de 20.000 euros”. O alcalde salientou que “grazas a esta inversión Sober xa conta cun pavillón de deportes de acorde ás súas necesidades”.                        Un edificio renovado grazas ás axudas da Xunta               O alcalde soberino tamén quixo agradecer á Xunta de Galicia os traballos de mellora levados a cabo no edificio “que dan como resultado o pavillón renovado que agora temos para o uso e desfrute de todos os soberinos e soberinas”.   Guitián sinalou que “durante o verán a Consellería de Educación levou a cabo traballos de revestimento interior e exterior do edificio, cunha axuda que supuxo 40.000 euros de inversión”.    O rexedor recordou tamén que “no ano 2014 dende a Xunta de Galicia, a través da Consellería de Educación e a Secretaria Xeral para o Deporte, investíronse uns 75.000 euros no cambio da cuberta e o peche de dous laterais”. E ese mesmo ano o Concello renovou a iluminación,                  cambiáronse todas as portas de acceso e fíxose un acceso directo dende a pista de xogo os vestiarios.                        Un pavillón municipal multiusos Luis Fernández Guitián aproveitou para recordar que neste edificio municipal, ademais de competicións deportivas organizadas polo Concello ou por asociacións, “tamén se levan a cabo multitude de actividades desenroladas polo colexio, se organiza a festa da terceira idade, as actividades do Entroido ou a festa infantil de Nadal, que este ano será o 27 de decembro”, conclúe o alcalde.