|
|
NOVAS |
O CONCELLO DE SOBER RECIBE O NADAL CUN PROGRAMA REPLETO DE ACTIVIDADES PARA TODOS OS PÚBLICOS
O Goberno local do Concello de Sober recibe a festividade de Nadal cunha chea de actividades dirixidas a todos os públicos que se estenderán dende o 18 de decembro ao 7 de xaneiro. “Os soberinos e soberinas poderán celebrar estas datas tan especiais participando en obradoiros, actividades deportivas, certames e xogos para os máis pequenos, entre outras iniciativas”, apuntou o rexedor da localidade, Luis Fernández Guitián.
O alcalde apuntou que o programa se inaugurará o día 18 de decembro a partir das 17:30 horas coa celebración dun concerto benéfico onde actuarán os alumnos da Escola de Municipal de Música de Sober, o coro Berea, a Banda Xuvenil, os alumnos do CEIP Plurilingüe Virxe do Carme, os máis pequenos da Gardería Municipal e a Banda de Música de Sober. “Trátase dun concerto solidario, onde os asistentes pode colaborar con un 1 quilogramo de comida ou un xoguete para as persoas que están atravesando dificultades económicas”, apuntou Guitián.
Visita de Papá Noel
O programa continuará o día 21 co festival de Nadal do CEIP Virxe do Carme e o PAI. Os nenos e nenas recibirán a visita de Papá Noel e participarán en numerosas actuacións navideñas.
Soberlandia de Nadal
O Goberno local programa para o día 27 a festa Soberlandia de Nadal á que o Concello convida a todos os veciños e veciñas. Haberá música, inchables, obradoiros e moitas sorpresas, entre as que se atopa un carro de algodón de azucre gratuíto.
O día 29 tocaralle a quenda ao deporte. O ximnasio municipal acollerá sendas clases de expresión corporal e xogos de habilidade, que se repetirán o día 3 de xaneiro.
O luns 2 de xaneiro ás 17:30 horas celebrarase un obradoiro de informática no Centro Sociocultural para nenos de máis de 7 anos. E o día 5 ás 12:00 horas os máis pequenos do PAI e os maiores da residencia da terceira idade recibirán a visita dos Reis Magos. O programa de Nadal complementarse unha actividade de Bookcrosing coa liberación de libros no parque infantil.
Concursos de poesía, postais e Beléns
O Concello de Sober tamén organiza para estas festas varios certames como os de Poesía e Postais de Nadal, que ten aberta a inscrición ata o vindeiro día 22. Ademais celebrarase o VII Certame de Beléns que conta coas categorías de adulto e infantil. O prazo para participar permanecerá aberto ata o día 26 e o xurado visitará os traballos o 28. A entrega de premios farase o día 4 de xaneiro na Biblioteca Municipal.
Merendas do Nadal
O mércores día 28 celebrarase unha edición especial de Nadal das Merendas con Contos onde os participantes poderán desfrutar dunha sesión de cine de Nadal. Así mesmo, o día 4 de xaneiro, haberá unha maratón de panxoliñas con entrega de premios e degustación de chocolate con churros.
Exposición dos traballos en memoria a Lola de Penelas
O Centro Sociocultural de Sober tamén acollerá dende o día 16 de decembro ao 7 de xaneiro a exposición dos traballos en memoria á histórica oleira Lola de Penelas, do Certame de Mulleres de Lemos organizado polo colectivo Lemos Le.
Ademais, o Goberno local ilumina estes días con luces de Nadal a capitalidade, Canabal e Doade.
|
|
|
|
|
|