|
|
NOVAS |
SOBER ACOLLE ESTA FIN DE SEMANA O I CONCURSO DE MANDAS SOBRE RASTRO NATURAL DE XABARÍL
O Goberno local do Concello de Sober colabora coa organización do I Concurso de mandas sobre rastro natural de xabaril, que se vai celebrar na localidade o sábado 18 e o domingo 19 e que promove o Coto de Caza e o Club Español del Griffón Vendeano. Estímase que a celebración desta proba achegue á localidade a 500 persoas, entre público e participantes.
Trátase dunha proba a nivel internacional na que se prevé que participen cinco lotes de 6 cans cada un de diferentes razas. En concreto, haberá participación dun lote francés, dous estremeño e dous da cidade da Coruña, un total de cinco mandas (jaurías).
O sábado serán tres os lotes que saían ao monte e o domingo dous. A organización da proba farase o sábado día 18 ás sete e media da mañá na Praza do Toural desde onde os participantes sairán en dirección a Cadeiras. Unha vez alí farase a distribución da solta.
Haberá dúas entregas de premios, unha delas o sábado pola noite nunha cea no Restaurante O Xugo. A segunda celebrarase o domingo en Pantón, na Casa Antonio. O alcalde de Sober, Luis Fernández Guitián, será o encargado da entrega dos trofeos, un prato de alfarería de Gundivós.
|
|
|
|
|
|