NOVAS DO CONCELLO
 
NOVAS
O CONCELLO DE SOBER CONVOCA EN TWITTER O CONCURSO DE FOTOGRAFÍA ‘ENCHE SOBER DE AMANDI’



O Concello de Sober continúa coa ampla programación de actividades enmarcadas dentro do Mes de Amandi. O Goberno local vén de organizar o concurso de fotografía ‘Enche Sober de Amandi’ na rede social Twitter. O alcalde, Luis Fernández Guitián, precisou que esta iniciativa pretende “dar visibilidade ao viño de Amandi e á XXXVll Feira do Viño de Amandi nas redes sociais”.
 
Deste xeito, precisou, “o certame porase en marcha os días 8 e 9 de abril e consistirá en recoller unha imaxe do municipio que teña que ver co viño Amandi e subila ao Twitter”.
 
Guitián sinalou que poderá participar no concurso calquera persoa que sexa maior de idade e o procedemento será o seguinte:
 
·       Recoller unha instantánea no Concello de Sober que ademais teña que ver co Amandi e publicala no Twitter
 
·       Para iso, os participantes deben ser seguidores do Twitter do Concello de Sober, https://twitter.com/ConcellodeSober
 
·       Deben mencionar no tweet a @concellodesober
 
·       Publicar a imaxe co hashtag #enchesoberdeamandi e engadir a ubicación no tweet
 
 
Tres lotes de viño de Amandi en xogo
Unha vez finalizado o concurso, un xurado formado por profesionais da imaxe será o encargado de elixir ao vencedor e a dous accésit. Os premios consistirán en tres lotes de viño de Amandi.
 
Nun prazo de 3 días despois de finalizar o concurso publicarase nas redes sociais do Concello de Sober o nome dos gañadores. Para obter o premio, o usuarios deberán confirmar os seus datos poñéndose en contacto co Concello. Se pasados cinco días desde a publicación dos vencedores non se puxeron en contacto co Concello, perderán a condición de gañadores e contactarase cos suplentes.
 
O premio recollerase no Concello de Sober onde o alcalde, Luis Fernández Guitián, fará entrega do mesmo.

 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com