|
|
NOVAS |
A ASOCIACIÓN DE PERSOAS XORDAS DE FERROL REALIZA O SÁBADO A RUTA DE SENDEIRISMO VIÑEDOS DA RIBEIRA SACRA, ENTRE ANLLO E ROSENDE
A Asociación de Persoas Xordas de Ferrol fará o sábado día 20 unha andaina entre Anllo e Rosende coa colaboración do Goberno local de Sober. Trátase da sexta ruta de sendeirismo que os ferroláns realizan pola Ribeira Sacra; en concreto ao Concello de Sober.
A VI Ruta de sendeirismo Viñedos da Ribeira Sacra partirá ás once do Campo da Festa de San Miguel de Rosende. Tras un percorrido de 13,3 quilómetros, cunha dificultade media-baixa, a ruta rematará nos Chancís. Estímase que a duración sexa de algo máis de catro horas. Ao remate cearán nun local hostaleiro de Sober. Aproveitarán o traxecto para coñecer varias mostras de arquitectura tradiciional en Portizó e Hortás.
A presidenta da Asociación de Persoas Xordas de Ferrol, Teresa Gallo Lastra, convidou ao alcalde de Sober, Luis Fernández Guitián á inauguración da VI andaina ‘Sendeiro Viñedos da Ribeira Sacra’ en agradecemento á colaboración que o Goberno local lles vén de prestar.
|
|
|
|
|
|