|
|
NOVAS |
O CONCELLO DE SOBER INICIARÁ TRABALLOS DE REXENERACIÓN EN DIVERSAS ESTRADAS DE TITULARIDADE MUNICIPAL
O Goberno local acometerá ademais un bacheo xeral de estradas da súa competencia
O Goberno local do Concello de Soberiniciará nos vindeiros días traballos de rexeneración en diversas estradas de titularidade municipal.
En concreto, procederá a estender aglomerado nos accesos a Sistín do Mato desde Canabal e á rexeneración dos accesos a Vilamaior en Refoxo, así como á rexeneración do último tramo da estrada de O Cadaval a Mourentán en Doade.
Tamén se acometerá un triplo rego asfáltico nos accesos a Casar de Cime desde Lobios e desde As Laxes a Sober O Vello en Proendos.
De igual maneira rexeneraranse os accesos a Pipín de Abaixo, O Campo e Santa de Abaixo en Bulso. Farase a rexeneración integral da estrada desde Santa Marta por O Taro áSuairexa en Figueiroá. Ademais vanse acondicionaros accesos a Casares dende Belán, na parroquia de Millán.
Outras actuacións
Outras obras previstas no marco desta actuación inclúen a rexeneración do Camiño de acceso a Matamáde Arriba (San Martiño de Anllo) e dende O Cabarco á Bouza en Anllo Santo Estevo. Ademais destes traballos farase un bacheo xeral de estradas municipais.
A maiores, continúan a moi bo ritmo os traballos de desbroce de estradas municipais. En concreto, está a punto de rematar o desbroce de acceso a núcleos e recursos turísticos e, de seguido, iniciarase en accesos a viñedos.
Na mellora de camiños vaise facer un investimento de 125.000 euros, dos que 70.000 son con cargo ao Plan Marco de Camiños rurais da Consellería do Medio Rural e 55.000 proveñen de fondos municipais.
|
|
|
|
|
|