|
|
NOVAS |
SOBER ULTIMA O PROGRAMA DAS FESTAS NA HONRA Á VIRXE DO CARME, QUE CONTARÁN COA ACTUACIÓN ESTELAR DE AZÚCAR MORENO DÍA 16
A comisión encargada de organizar as festas maiores da capital municipal de Sober na honra á Virxe do Carme ultima o cartel, que este ano incluirá a actuación estelar o día 16 das irmáns Salazar, Azúcar Moreno.
As Festas desenvolveranse entre os días 15 e 18 de setembro e contarán cun nutrido cartel no que haberá música, actividades relixiosas e ata unha paella xigante, como vén sendo habitual.
Os días 17 e 18 de agosto haberá diversos actos relixiosos, o último día coa procesión acompañada da Banda de Música de Sober e a Misa Maior cantada polo Coro Berea da Escola Municipal de Música.
Os Gaiteiros de Goián-Sarria estarán na xornada matinal do 16. Na tarde do 17 haberá teatro infantil. A gran paella xigante será na tarde do 18.
Entre as actuacións de grandes orquestras, espectáculos como Panamá Band ou Israel. No programa destaca a actuación de Azúcar Moreno. As irmáns Salazar actuarán o 16 ás 11:30 da noite.
A próxima semana os organizadores farán publico o programa definitivo.
|
|
|
|
|
|