|
|
NOVAS |
O CONCELLO DE SOBER DESTINA 100.000 EUROS A ACOMETER OBRAS DE MELLORA EN CAMIÑOS DE ACCESO A VIÑEDOS
O Goberno local do Concello de Sober acomete estes días obras de mellora en camiños de acceso a viñedos cun investimento total de 100.000 euros.
Os traballos, que se iniciaron a pasada semana, prolongaranse ata mediados do mes de novembro e realízanse nas Ribeiras do Sil e do Cabe. En concreto, melloraranse accesos a viñedos de Doade, Amandi, Lobios, Pinol, Anllo e Rosende.
As obras supoñen, na maior parte dos casos, actuacións de limpeza e pavimentación con formigón.
A Consellería do Medio Rural fai unha achega de 60.000 euros a través dun convenio enmarcado no plan PIR, Plan de Infraestruturas Rurais. Pola súa parte o Concello achega 40.000 euros de fondos municipais.
A mellora dos accesos a explotacións vitícolas é considerado prioritario polo Goberno municipal de Sober. O rexedor, o popular Luis Fernández Guitián, explica que todos os anos se acometen importantes proxectos de mellora e xa está en marcha a elaboración dun novo proxecto de melloras de cara ao ano 2018.
|
|
|
|
|
|