|
|
NOVAS |
O CONCELLO E AS XUVENTUDES MUSICAIS DE SOBER ACHEGAN Á LOCALIDADE AO TRÍO AYREN
O Goberno local do Concello de Sober e as Xuventudes Musicais achegan á localidade ao Trío Ayren, formado por un pianista, un violinista e un violonchelista. O concerto, que forma parte do ciclo Música no Outono, será o sábado ás 19:30 horas na Casa da Cultura.
O Trío Ayren está composto por Bernardo Aguiar, violín; Beatriz Perona, violonchelo e Nina Aranda, piano. Acadaron o primeiro Premio Ex Aequo no 84º Concurso Permanente de Juventudes Musicales de España (Sevilla, 2015).
O Trío Ayren completa as súas xiras pola Rede de Músicas cun programa que inclúe obras de tres autores y estilos moi diferentes pero que poñen de manifesto a riqueza de matices da formación de trío con piano: o clasicismo vienés de Haydn, o romanticismo mendelssohniano e a contemporaneidade de Takemitsu.
O grupo fórmase no centro Superior Katarina Gurska de Madrid no ano 2014 nas clases de Noelia Rodiles coa que aínda proseguen a súa formación. Recibiron clases de músicos como Graham Jackson ou Claudio Martínez Mehner. Desde a súa formación tocaron en salas como o Teatro Nacional de San Carlos ou o Teatro San Luis de Lisboa, o teatro Canónigos de San Ildefonso en Segovia, o Ateneo de Madrid e o Teatro Calderón de Valladolid. En 2015 reciben o primeiro premio do concurso Juventudes Musicales de España na modalidade de Cámara en Sevilla, e en 2016 o terceiro premio no concurso de Música de Cámara de Cofrentes.
Programa:
F. J. Haydn: Trío Hob. XV nº 6 en Fa maior
T. Takemitsu: Between Tides
F. Mendelssohn: Trío nº 1 op.49 en Re menor
|
|
|
|
|
|