NOVAS DO CONCELLO
 
NOVAS
UN GRUPO DE 26 ESTUDANTES DE RIBADAVIA REALIZA PRÁCTICAS DE PODA NA VIÑA EXPERIMENTAL DOS CHANCÍS



O Concello de Sober recibiu esta semana a visita de 26 alumnos e alumnas e 4 mestres do IES O Ribeiro, de Ribadavia, que, por segundo ano consecutivo, realizaron prácticas de poda na viña experimental que o Goberno local ten nos Chancís.
 
En concreto, os rapaces e rapazas levaron a cabo labores propias da poda de inverno, nomeadamente poda a cotón ou pulgar nos sistemas de formación en vaso e cordón. O alumnado volverá a Sober no mes de maio para facer prácticas en enxertos.
 
Unha das mestras relata que se trata dunha actividade “moi interesante” para o alumnado, máis habituado a realizar poda guyot, diferente á que estes días levaron a cabo na viña experimental. Tamén gardaron varas podadas para volver no mes de maio e poder enxertalas nos bravos dos socalcos. En concreto, farán enxertos de herbácea leñosa e verde-verde.
 
Os alumnos forman parte do ciclo medio de aceites de oliva e viños e do ciclo superior de vitivinicultura, todos eles do módulo de viticultura do IES de Ribadavia.
 
Acordo entre o Concello e o IES
O Goberno local do Concello de Sober alcanzou un acordo de colaboración co IES O Ribeiro o pasado ano para que os alumnos e alumnas poidan desenvolver as súas practicas relacionadas coa viticultura na viña experimental dos Chancís, de propiedade municipal.
 
O alcalde, Luis Fernández Guitián, agradece este convenio que permite cumprir cun dos obxectivos esenciais da viña e que sirva así como un espazo experimental no que practicar e do que obter interesantes resultados sobre as nosas variedades vitivinícolas.

Achegamento á viticultura heroica
O profesorado valora a experiencia como “moi positiva” e “interesante” para os alumnos, posto que os sistemas de condución e poda son moi diferentes con respecto aos que existen no ribeiro, de onde proceden os alumnos. O alumnado achégase así á viticultura heroica coa visita a unha das zonas con maior pendente da Ribeira Sacra, os Chancís, onde a paisaxe é un espectáculo para todo o que a descobre.
 
Os alumnos e alumnas que traballan na viña experimental dos Chancís, acondicionada por un obradoiro municipal, ocúpanse das tarefas máis técnicas. A partir de agora e ata o mes de maio será a auxiliar de viticultura coa que conta o Concello a que fará os tratamentos fitosanitarios correspondentes e as labores de mantemento. En maio volverán a Sober para seguir coas súas prácticas e facer os enxertos.
 


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com