|
|
NOVAS |
O CARTEL DE ANA SANTISO VILAR ANUNCIARÁ A XXXVIII FEIRA DO VIÑO DE AMANDI
O xurado do certame para escoller o cartel anunciador da XXXVIII Feira do Viño de Amandi vén de emitir o seu fallo, elixindo por unanimidade como traballo gañador o de Ana Santiso Vilar, veciña de Sistin do mato, na parroquia soberina de Canaval.
O xurado estivo formado por Humberto Loureiro Argullos, Fernando Vázquez González e Alejandro José Ciurluini. Os membros acordaron tamén conceder un accésit como finalistas aos carteis de Edith Nieves Sánchez, da Estación, no Concello da Pobra do Brollón, e Clara Romero Aguado, de Barcelona.
A gañadora do primeiro posto recibirá un premio en metálico de 600 euros. Os accésit contarán con 100 euros e cun diploma e un lugar destacado na exposición que se faga con todos os traballos presentados.
O xurado destacou o alto nivel dos 28 orixinais presentados, chegados de diferentes puntos do Estado. En concreto, recibíronse carteis de Cataluña, País Vasco, Madrid, Valencia, Asturias, Andalucía, Castela León e Castela a Mancha, Estremadura, A Rioxa e Galicia; de onde proceden a maioría dos participantes.
Presentación do Cartel
O cartel gañador farase público o sábado día 24 de febreiro no miradoiro de Cadeiras. Celebrarase un acto ao que se asistirán os adegueiros e no que se darán a coñecer os actos que formarán parte do ‘Mes do Amandi’ e a programación da XXXVIII Feira do Viño de Amandi que este ano se celebra os días 24 e 25 de marzo.
|
|
|
|
|
|