|
|
NOVAS |
CARLOS NÚÑEZ VOLVE A SOBER COA SÚA XIRA POR LUGARES EMBLEMÁTICOS DE GALICIA
Un dos nosos gaiteiros máis internacionais, Carlos Núñez, volve a Sober este verán coa súa xira por lugares emblemáticos de Galicia. Así, o músico ofrecerá un concerto o domingo día 8 de xullo ás 21:00 horas na adega Rectoral de Amandi, un evento que contará coa colaboración do Concello de Sober.
Así o presentan desde a bodega nas súas redes sociais:
“Paisaxe e historia. Terra e pedra. Luz e paixón polo traballo. A bodega Rectoral de Amandi, que recibe o nome dunha antiga parroquia do século XVII situada no corazón da Ribeira Sacra, xera o ambiente máis acaído para acoller un concerto do músico galego máis internacional. O son limpo e tradicional de Carlos Núñez acubillarase entre os muros da bodega histórica e buque insignia dunha Denominación de Orixe máxica".
O alcalde de Sober, Luis Fernández Guitián, destaca a presenza na localidade do músico e compositor galego que no ano 2014 foi o pregoeiro da XXXIV Feira do Viño de Amandi. “O sábado ofreceu un concerto inesquecible en Cadeiras e o domingo durante o pregón tocou coa Banda de Música de Sober. Foi unha visita que temos gravada na retina, polo que agradecemos que volva e encha a Ribeira Sacra coas súas notas. É un orgullo volver recibilo en Sober”, presume.
As entradas están á venda no seguinte enlace:
https://entradas.ataquilla.com/ventaentradas/es/otras-musicas/bodega-rectoral-de-amandi/8858--carlos-nunez.html
|
|
|
|
|
|