NOVAS DO CONCELLO
 
NOVAS
SOBER ACOLLERÁ OS DÍAS 11 E 12 DE AGOSTO A XXIII FEIRA DA ROSCA E O SEGUNDO TÚNEL DO VIÑO AMANDI



O Concello de Sober organiza os días 11 e 12 de agosto a XXIII Feira da Rosca, o mel e outros produtos da Ribeira Sacra. Van participar un total de 16 postos: 3 rosqueiros, 2 oleiros de Gundivós, 2 produtores de mel, 4 artesáns, 3 queixerías e 2 produtores artesanais de castaña e derivados.
 
Programación
A festa comeza o sábado ás 19:30 horas no salón de actos do Centro Sociocultural cun showcooking a cargo de Carlos Javier González, chef do Restaurante Merenzao baixo o nome ‘A rosca de Sober no restaurante’.
 
Ás 21:00 horas farase a apertura dos postos e ás 22:00 actuará o grupo ‘Vai en concerto’. Ás 23:00 horas terá lugar unha degustación gratuíta de rosca con licor café e mel.
 
O domingo ás 10:00 horas haberá un disparo de bombas de palenque e ás 10:15 abrirán os postos da feira. Ás 10:30 horas haberá unha demostración de cestaría en vivo coa que colabora o CENTRAD da Deputación de Lugo.
 
Ás 12:00 horas haberá un espectáculo de teatro de rúa: ‘Duncan de Palleiro’. Ás 12:30 haberá unha actuación do grupo de música tradicional ‘Os Valuros’ e ás 13:00 horas será a quenda da degustación gratuíta de 2.000 racións de rosca con queixo.
 
Ás 13:30, de novo unha actuación do grupo de música tradicional ‘Os Valuros’.
 
Segundo Túnel do Viño
Aproveitando a celebración da XXIII Feira da Rosca o Concello de Sober e Vinosacra.es organizan o Segundo Túnel do Viño Amandi, un evento no que degustar os viños da subzona de Amandi e Sober. O túnel será inaugurado o sábado ás 11:30 horas.
 
Haberá máis de 30 adegas que participaron con máis de 50 referencias. Unha oportunidade única de coñecer os viños de Amandi e Sober da man de sumilleres profesionais.
 
A carpa do túnel do viño estará aberta o sábado en horario de 11:30 a 14:30 e de 17:00 a 19:30 horas e o domingo de 11:30 a 14:30 horas.
 
Na cita, organizada polo Concello de Sober e Vinosacra.es, colaboran a Xunta de Galicia, a Deputación de Lugo, Artesanía de Galicia, Queserías Prado e Torre de Núñez.
 
O alcalde de Sober, Luis Fernández Guitián, convida a todos os veciños e veciñas da localidade e dos concellos limítrofes, así como ás persoas que se atopan de vacacións na zona a desfrutar da mellor gastronomía e  mellor viño que temos para ofrecer.


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com