|
|
NOVAS |
O CONCELLO DE SOBER AVANZA NAS OBRAS DE MELLORA DE ACCESIBILIDADE E ACONDICIONAMENTO DOS MIRADOIROS DE PENA DO CASTELO, SOUTO CHAO E OS CHELOS
O Goberno local do Concello de Sober ten moi avanzadas as obras de mellora de accesibilidade e acondicionamento dos miradoiros de Pena do Castelo e Souto Chao, en Doade, e Os Chelos, en Amandi.
As obras fanse seguindo o proxecto de Gimena Ingeniería e pretenden homoxeneizar estas infraestruturas co resto de miradoiros de Sober con materiais que se adapten ao entorno.
Pena do Castelo, xa rematado
No caso de Pena do Castelo as obras xa están rematadas e consistiron na colocación de dous novos cenadores, un balcón protector fronte á capela de San Mauro e un banco no cumio do miradoiro.
En Souto Chao e Os Chelos as obras consistirán na remodelación completa de ambos os miradoiros, posto que estaban obsoletos.
Os traballos supoñen un investimento de 50.000 e contan cunha axuda de Turismo de Galicia do 70%. O 30% corresponde a fondos municipais. Son executadas pola empresa Timbergal cuxo xerente é veciño de Sober.
O alcalde de Sober, o popular Luis Fernández Guitián, agradece a achega destes fondos para seguir avanzando “na posta en valor dos nosos recursos naturais”. Recorda que os miradoiros forman parte dos principais reclamos turísticos cos que conta o Concello e a Ribeira Sacra.
|
|
|
|
|
|