|
|
NOVAS |
O CONCELLO DE SOBER PROGRAMA NUMEROSAS ACTIVIDADES PARA CELEBRAR O ENTROIDO
O Goberno local do Concello de Sober ofrecerá unha ampla programación para celebrar o Entroido. Así, o día 2 de marzo farase o tradicional desfile de comparsas e o XIII Baile da Cachucha.
O Entroido tamén se vai celebrar de xeito especial para os máis pequenos, de maneira que haberá unha edición específica das Merendas con Contos para preparar esta data festiva e poder confeccionar os disfraces. O día 8 faranse os preparativos para o Entroido, mentres que o día 15 haberá un obradoiro de compadres e comadres.
O 21 de febreiro será o Xoves de Compadres e o 28 de febreiro o Xoves de Comadres. O 1 de marzo o protagonista será o CEIP Plurilingüe Virxe do Carme cun desfile do alumando polas rúas de Sober.
O Concello convocou ademais o V Certame de Coplas de Entroido, cuxo prazo de presentación remata o 20 de febreiro.
XIII Baile da Cachucha
O sábado día 2 de marzo celebrarase o día grande o Entroido co desfile de comparsas e o XIII Baile da Cachucha. A festa dará comezo ás 17:30 horas co desfile de comparsas polas rúas de Sober. De seguido, ás 18:30 horas haberá música, inchables, xogos e merenda para todos os participantes no pavillón do CEIP Virxe do Carme. Xa ás 19:30 horas farase o desfile de disfraces e haberá premios para as mellores propostas. Tamén se fará unha degustación de cachucha e viño.
Premios
As solicitudes de inscrición poden recollerse no Centro Sociocultural, e presentalas xunto cun certificado do número de conta (para a modalidade de adultos). No caso de que non sexa posible, poderá facerse a inscrición no lugar do concurso. Establécese tamén un premio especial ao grupo máis numeroso de cen euros. O xurado valorará o vestiario e a animación e premiará aos mellores disfraces. Establécense dúas modalidades: adultos e infantil.
|
|
|
|
|
|