HISTORIA DO CONCELLO

LENDAS BOLMENTE · O Burato da Moura O BURATO DA MOURA. "Contan que foi verdade, que na parroquia de Bolmente, no lugar de Ferrón vivía un rapaz que tiña un rebaño de cabras, e todos os días as ceibaba ó monte, o cal lle quedaba moi preto. Alí todos os días visitaba a unha moura moi guapa. Pasado un tempo namoráronse, pero ela vivía no monte e non tiña nada, e él só tiña un rebaño de cabras e non podían casar. A moura propúxolle que se lle facía caso a ela serían moi ricos. O día seguinte cando el ceibara as cabras, coma sempre, ela iría ó seu encontro en forma de cobra e canto maior fose o ruido que fixera maior sería a fortuna que levaba, pero coa condición de que se tiña medo e fuxía nunca máis a ía volver ver. Cando ela se presentou por diante del, abríuse un boquete no chan e do burato saliu a cobra, que traía un ruido espantoso. O rapaz o ver a cobra botou a correr e nunca máis volveu ver á moura e , ainda hoxe, alí, lle chaman O Burato da Moura." *Do traballo escolar no Instituto Daviña Rei de Monforte de Iñaki Rodríguez e Javier Vázquez recollido a nai do primeiro, Carmen de San Paio--- San Martiño de Anllo que vive na Pousa.