O Concello de Sober vén de abrir o prazo para que todos e todas os estudantes universitarios interesados soliciten as becas de transporte. As peticións poderán facerse na Oficina Municipal de Información Xuvenil ata o día 15 de decembro.

Documentación necesaria

Os interesados deben presentar un certificado de matricula, un certificado de empadroamento, e unha fotocopia da Declaración da Renda da unidade familiar. Unha vez recollidas todas as solicitudes, o departamento de Servizos Sociais municipal fará un informe e posteriormente serán comunicadas as axudas os demandantes.