A rede de miradoiros do concello de Sober conta co selo de calidade outorgado polo “Instituto para a Calidade Turística de España (ICTE)” desde o ano 2021 na categoría de espazo público singular. Sober é un dos cinco espazos públicos que contan con esta distinción no conxunto do Estado, sendo ademais o único de toda a Ribeira Sacra e da provincia de Lugo en conseguilo.  a maiores no ano 2024 acadouse tamén o selo de Sostebilidade co cal se amosa o compromiso deste concelo coa conservación do medio.

Sober conta con dez miradoiros públicos que comezaron a construírse nos anos 80, desde entón foron medrando e  someténdose a diversas reformas ata chegar a ser un referente no territorio.

Nove destes miradoiros están no tramo do Canón do Sil, e o décimo localízase no tramo final do río Cabe xusto no lugar no que desemboca no Sil.

Para visitar estes 10 miradoiros do noso concello  dividiremos a ruta en dous tramos, realizaríase en coche do seguinte xeito:

Primeiro tramo de miradoiros, saída desde Sober capital cara ao embarcadoiro de Chancís no cal podremos descubrir os tres primeiros miradoiros:

10.MIRADOIRO PENA DO CONDE
9.MIRADOIRO  DO XABREGA
8.MIRADOIRO DOS CHANCÍS

Segundo tramo de miradoiros, saída desde Sober capital cara ao embarcadoiro de Doade ou Ponte do Sil. para ver os sete restantes:

7. MIRADOIRO  DE A CIVIDADE
6. MIRADOIRO DE BOQUEIRIÑO
5. MIRADOIRO DE SANTIORXO
4. MIRADOIRO  DE CADEIRAS
3. MIRADOIRO  DE  OS CHELOS
2. MIRADOIRO DE  SOUTOCHAO
1 . MIRADOIRO  DE  PENA DO  CASTELO

Para obter más información sobre esta ruta e cada un dos seus miradoiros poden descargar o seguinte folleto a aquí

En Sober contamos con un importante patrimonio relixoso, máis modesto e menos coñecido ca o de outros concellos da Ribeira Sacra pero con un gran valor.

Estamos a falar dun conxunto de igrexas románico rurais, sinxelas pero con gran valor.

Algunhas destas igrexas están a sufrir nos últimos anos unas melloras de conservación nas que se foron descubrindo e poñendo en valor diferentes elementos coma as pinturas de alguna de elas que estaban agochadas baixo capas de pinturas e cal. Nun entorno de tan só sete quilómetros están os santuarios de Proendos , Lobios e Pinol.

Actualmente poden visitarse os templos de Pinol e Lobios dentro do circuito de Visitas ao Románico que ven facendo o Consorcio de Turismo Ribeira Sacra, no cal se poden visitar os templos máis pequenos e importantes dos concellos que conforman o xeodestino.Este servizo está dispoñible dende Semana Saqnta ata finais de setembro.

Poden descargar o folleto sobre as nosas igrexas románicas así coma os horarios para visitar as igrexas aquí.

Para poder visitar estos templos ou outros recursos do concello contacten coa empresa Máis que Románico.

No patrimonio arqueolóxico de Sober destaca a existencia dun bo número (máis de 40) de grabados rupestres da Idade de Bronce, sendo estas rochas con grabados milenarios as que nos levan de viaxe pola Prehistoria.

Durante séculos, os petróglifos galegos foron vistos polos nosos devanceiros como manifestacións enigmáticas dun mundo mítico que é, finalmente, un intento de explicación moi humana da realidade.

Polo tanto, a explicación lendaria dos petróglifos é un valor engadido que enche de poesía unha das manifestacións máis singulares da arte galaica.

Dende aquí poderá descargar a listaxe de Aloxamentos turísticos, casas rurais e hoteis no Concello de Sober

No seguinte link podrás ver a listaxe e contacto dos locais de restauración que prestan os seus servizos no concello de Sober.

Recordamos tamén que os días 12 e 28 de cada mes son os días de feira en Sober  onde poderán desfrutar do típico pulpo a feira e mercar os productos de achegan os feirantes ao mercado.

Este concello de 133 km cadrados ten o privilexio de estar nun entorno natural espectacular, sendo o Canón do Sil a referencia máis importante, facendo de límite municipal e provincial polo sur pero sen desmerecer en ningún momento o curso do río Cabe que sería o límite polo lado leste.

Os espazos naturais deste concello pertencen a Rede Natura 2000 e están catalogados como Zonas de Especial Conservación (Z.E.C.) xa que teñen un gran potencial para a restauración do seu hábitat natural pola súa riqueza e diversidade.

Percorrer algúns destes sendeiros con especies típicamente mediterránas coma sobreiras ou érbedos, mesturadas coas propias coma carballos, castiñeiros, breixos ou toxos, é, sen dúbida unha experiencia inesquecible.

E no medio destes bosques, se temos sorte poderemos outear algunha ave coma a graza real, falcóns, morcegos ou mouchos. tamén poderemos atoparnos con xabaríls, corzos, xinetas, gatos monteses ou esquíos…

Sober ten unha gran masa forestal e espazos naturais, cursos fluviais e recunchos nos que a flora, a fauna e a veciñanza conviven en sintonía.

Somos todos responsables de que esto siga sendo así, responsabilizándonos de contribuir á súa protección e conservación.

Calquera camiño, pista, carreiro ou monte pode converterse nunha ruta de sendeirismo por estas terras, pero imos a facer unha lista das máis populares.

A mellor maneira de coñecer a Viticultura heroica é, sen dúbida da man das persoas que fan posible que a Ribeira Sacra teña o recoñecemento que ten. Son os adegueiros os que transforman e conservan a paisaxe que deixa abraido a todo aquel que nos visita.

Ademáis son as mans destes veciños os que con unha fortaleza inmensa e agarimo á súa terra e cultura elaboran uns dos caldos con máis personalidade que poidan existir.

Os adegueiros de Amandi teñen as súas portas abertas para explicar cal é o seu traballo, a dedicación que lles supón e ninguén mellor ca eles para transmitir ese empeño en conservar a terra herdada coma un tesouro..

Para poder visitalos, podes descargar a seguinte listaxe de adegas visitables no cal encontrarás os datos para poder concertar cita para a túa visita aquí.

Percorrer as augas do Sil a bordo dunha embarcación é quizáis unha das actividades que mellor sensación nos pode deixar na visita a os Canóns do Sil.

Para poder facelo hai varias empresas que prestan o seu servizo dende diferentes embacadoiros, reserva a viaxe na que máis che apeteza.

Se desexas desfutar do noso territorio dun xeito máis singular, a continuación podrás ver unha listaxe de actividades e empresas que ofertan distintas posibilidades.

Poderás facer rutas guiadas en Quad, en bicicleta, ou navegar o Sil en kayak ou Padel Surf. Tamén xogar a bumperball  ou empaparte de coñecemento artístico nos talleres de Modesto Trigo ou de relax nos retiros holísticos….