Son un total de oito os participantes que optan aos galardóns deste certame. Foron tres os particulares que presentaron a súa candidatura para o concurso, así como unha asociación, unha parroquia, o colexio, a escola infantil e a residencia de maiores. 

 

A visita do xurado aos beléns participantes será o vindeiro xoves, 3 de xaneiro, e a entrega dos galardóns aos gañadores terá lugar o día 11 do mesmo mes. 

 

O Concurso de Beléns forma parte do amplo programa para o Nadal elaborado polo Concello de Sober e que inclúe actividades destinadas tanto aos nenos e nenas, como aos adultos. A programación contou, entre outras actividades, con outros certames como o de poesía infantil e postais de Nadal, o festival e o concerto de Nadal ou a visita dos Reis Magos o vindeiro 4 de xaneiro.