O Consello da Xunta aprobou hoxe o proxecto de acordo polo que se declara municipio
turístico o concello de Sober, na provincia de Lugo. Galicia conta así con 43 municipios
turísticos nas catro provincias galegas. Coa incorporación de Sober, a provincia de Lugo
conta con 11 municipios turísticos: Ribadeo, Monforte de Lemos, Mondoñedo,
Chantada, Viveiro, Foz, Quiroga, Samos, Lugo, Sarria e Sober.
Sober conta tamén con múltiples festividades entre as que resalta a Feira do Viño de
Desde o ano 2010 a oferta hoteleira do municipio de Sober incrementouse permitindo a
acollida dunha afluencia de visitantes maior. Ademais, a oferta turística da zona inclúe
35 adegas, 6 rutas de sendeirismo, as rutas dos 9 miradoiros que percorren o
patrimonio natural do concello ademais de múltiples actividades culturais que
incrementan a oferta complementaria para os usuarios turísticos.
Sober conta tamén con múltiples festividades entre as que resalta a Feira do Viño de
Amandi, con declaración de Festa de Interese Turístico de Galicia. Ademais, para
realizar percorridos pola zona os visitantes contan co Tren Turístico Aba Sacra e os
catamaráns que percorren o Sil para dar a coñecer os atractivos turísticos, paisaxísticos,
patrimoniais e enoturísticos desta zona da Ribeira Sacra.
Datos turísticos da Ribeira Sacra Datos turísticos da Ribeira Sacra
De igual modo, a artesanía forma parte dos atractivos turísticos do concello de Sober,
así, a olaría de Gundivós conforma unha actividade singular de gran potencialidade e
atractivo para os visitantes.
Datos turísticos da Ribeira Sacra Datos turísticos da Ribeira Sacra
A Ribeira Sacra está a experimentar unha subida constante na cifra de viaxeiros e
pernoitas rexistradas nos establecementos hoteleiros da zona. Así, segundo os últimos
datos feitos públicos polo Instituto Nacional de Estadística, os viaxeiros medraron en maio de 2014 un 25,2% a respecto de maio do ano pasado e a cifra de pernoitas
rexistradas superou nun 31,8% as rexistradas no mesmo mes de 2013.
De igual modo, a estadía media subiu un 5,3%. Os viaxeiros nacionais no mes de maio
medraron un 39,2% a respecto dos recibidos en maio de 2013 e os viaxeiros
estranxeiros medraron preto dun 15%.
