O Concello de Sober e o CEIP Plurilingüe Virxe do Carme organizan para mañá xoves un encontro por videoconferencia coa doutora soberina Susana Rodríguez González. A actividade foi deseñada para conmemorar o Día Internacional da Nena e a Muller na Ciencia, que se celebra o propio xoves, día 11 de febreiro.
 
A doutora, natural de Sober, é especialista en menciña física e rehabilitación (MFR) e ela mesma foi alumna do CEIP Plurilingüe Virxe do Carme de Sober.
 
Na actualidade Susana Rodríguez é doutora da Unidade de Rehabilitación Neurolóxica e Dano Cerebral do Hospital Universitari Vall d'Hebron.
 
A conexión por videoconferencia farase ás 11:30 horas e será seguida polo alumnado desde a Biblioteca do centro.
 
O Concello de Sober agradece a colaboración da médica, que achegará a súa experiencia aos nenos e nenas de Sober.