Este concello de 133 km cadrados ten o privilexio de estar nun entorno natural espectacular, sendo o Canón do Sil a referencia máis importante, facendo de límite municipal e provincial polo sur pero sen desmerecer en ningún momento o curso do río Cabe que sería o límite polo lado leste.

Os espazos naturais deste concello pertencen a rede Natura 2000 e están catalogados como Zonas de Especial Conservación (Z.E.C.) xa que teñen un gran potencial para a restauración do seu hábitat natural pola súa riqueza e diversidade.

Percorrer algún sendeiros con especies típicamente mediterráneas coma as sobreiras ou érbedos, mesturadas con outras enxebres coma os carballos, castiñeiros, breixos ou toxos, é, sen dúbida unha experiencia inesquecible.

E no medio destes bosques, se temos sorte poderemos avistar algunha ave coma a garza real, falcón, morcego ou moucho. Tamén podemos toparnos con xabarils, corzos, xinetas, gato montés, esquíos…

Sober é un concello polo tanto cunha grande masa forestal e espazos naturais, cursos fluviais e recunchos nos cales a flora, a fauna, e a veciñanza conviven en sintonía.

Somos todos responsables de que esto siga sendo así, responsabilizándonos de contribuir a súa conservación e protección.

Calquera camiño, pista ou bosque pode convertirse nunha ruta de sendeirismo en estas terras pero imos a facer unha lista de alguna das máis populares.