O equipo de Goberno do Concello de Sober vén de publicar un Bando no que se anuncia a apertura do prazo para a presentación de instancias para a solicitude de axudas para o transporte escolar de estudantes universitarios.
 
O pasado ano beneficiáronse destas axudas preto de 30 mozos e mozas de Sober. As cantidades que perciben oscilan entre os 100 e os 300 euros anuais, dependendo da distancia entre o domicilio e o Campus onde estudan os alumnos e alumnas.
 
Todos os interesados e interesadas teñen de prazo ata o 31 de outubro de 2014 para presentar as súas solicitudes. A documentación que se require é a seguinte:
–      Fotocopia do DNI
–      Certificado de empadroamento
–      Matrícula universitaria
–      Certificado bancario
–      Declaración xurada do número de viaxes que realiza ao domicilio durante o curso
–      Declaración da renda familiar
 
A entrega da documentación farase nas oficinas municipais do Concello de Sober.