Dende aquel primeiro baile celebrado no ano 2000 este evento celebrado na capitalidade do concello, xa se converteu nun acto de despedida do verán.

Amenizado pola Banda de Sober e algún que outro espectáculo de artistas invitados, o verdadeiro protagonista é o público que se achega a desfrutar da música á luz da lúa.

Son os propios veciños os que animados polo ritmo que imprimen os músicos saen a bailar, podendo se o desexan participar no concurso de baile por parellas.

O último venres de agosto é unha noite para desfrutar da música e do baile, na que participan persoas de todas as idades, dende os máis cativos a os máis lonxevos.