En Junio do 2024 Modesto Trigo, natural de Gundivós abriu as portas do seu museo, na súa localidade natal, que se convertiu tamén na súa residencia fixa.

Modesto Trigo está considerado coma un dos pintores contemporáneos de máis éxito. A súa obra basada no hiperrealismo sementado de notas subrealistas é seguida por un numerosísimo público.

Este afamado pintor que expuxo en países de todo o mundo coma os Estados Unidos, México ou China, entre outros moitos, e que é profesor universitario decidiu afincarse definitivamente na casa que o viu nacer.

O proxecto, que inda está tomando forma é un ambicioso centro cultural que dará cabida a distintos talleres de arte e cultura, impartidos por xente que o pintor foi coñecendo ó longo da súa traxectoria profesional.

En Gundivós está a súa exposición permanente, pero acollerá tamén obras de outros autores, así coma un pequeño museo etnográfico, e espazo para as clases, talleres e incluso aloxamento para os interesados en participar dos seus cursos.

Para saber máis pincha aquí. https://mtrigotrigo.com/