Cada ano o 12 de Agosto coincidindo coa feira mensual celebrase esta xa tradicional festa para a exaltación dun dos nosos productos máis tradicionais, a rosca de Sober.

Como entrante ou como postre (sempre acompañada de queixo), para o almorzo, ou como simple larpeirada para os cativos…. as roscas de Sober sempre están ben.

Todo elo fixo que nin o cambio nos hábitos culinarios, nin a introducción de novos alimentos conseguiran desbancar a popular rosca que, dende 1996, ten mesmo a súa propia feira o día 12 de agosto. Este día ofrécese a degustación gratuita de racións de rosca, con queixo do país, a tódolos visitantes.

A rosca non é fácil de encontrar en tendas, pero sí en restaurantes e nas casas nas que se celebren festas, xa que os rosqueiros cocen fundamentalmente por encarga. Tamén o fan coincidindo cas feiras e romarías, nas que se acostuma a vender este manxar.

A elaboración é totalmente artesanal, e a clave do seu éxito está na calidade dos ingredientes empregados que son: levadura, azucre, azafrán, fariña, ovos, auga e sal.

Nesta feira tamén hai un espazo adicado aos apicultores que con mimo producen un mel de propiedades e sabor inigualables.

A Feira da Rosca foi evolucionando ó longo destes últimos anos e dende o ano 2017 comparte espazo co Tunel do Amandi.  Sendo esta cita unha oportunidade para catar os viños da nosa subzona. Este formato de cata está consolidándose cada ano como una segunda oportunidade para promocionar os viños locais despois da Feira do Viño de Amandi.