No ano 2021 acolleuse o primeiro encontro de Artesanía de Galicia nos pendellos do Santuario da Nosa Señora de Cadeiras.

Dende ese primeiro encontro e logo do éxito acadado, a feira vai camiño de converterse nunha cita imprescindible entre os artesáns  impulsada pola Xunta de Galicia coa colaboración do concello para promocionar a marca de Artesanía de Galicia co obxectivo de impulsar o comercio local e dar visibilidade  e respaldo a este tipo de oficios.

A convocatoria faise normalmente no terceiro fin de semana do mes de Agosto pero non hai unha data fixa.

Neste día participan unha vintena de artesáns de diversos oficios e os visitantes disfrutarán dunha exposición e venda de productos deArtesanía de Galicia, incluíndo pezas de madeira, cerámica, olería tradicional, xoguetes, bixutería, marroquinería, roupa, complementos de moda ou xoiería.

Tamén se imparten talleres de balde, coma a iniciación ó tecido de tapíz, cerámica en torno ou técnicas de cestería destinados a todos os públicos , e hai espectáculos musicais para facer ese día máis festivo.