OS PETRÓGLIFOS DE SOBER
No patrimonio arqueolóxico de Sober destaca a existencia dun bo número (máis de 40) de grabados rupestres da Idade de Bronce, sendo estas rochas con grabados milenarios as que nos levan de viaxe pola Prehistoria.
Durante séculos, os petróglifos galegos foron vistos polos nosos devanceiros como manifestacións enigmáticas dun mundo mítico que é, sen dúbida, un intento de explicación moi humana da realidade.
Polo tanto, a explicación lendaria dos petróglifos é un valor engadido que enche de poesía unha das manifestacións máis singulares da arte galaica.
Para poder coñecer un pouco máis sobre estas míticas rochas podemos dirixirnos á páxina web da asociación cultural O Colado do Vento https://coladodovento.blogspot.com/search/label/PETROGLIFOS
E para coñecer de primeira man cada unha destas xoias en pedra da man de guías especializadas temos que contactar coa empresa Máis que Románico.
No seguinte Link pódese descargar o folleto explicativo sobre os petróglifos máis relevantes do noso concello.
