NOVAS DO CONCELLO

NOVAS O CONCELLO DE SOBER COLABORA COA CELEBRACIÓN DAS FESTAS DAS PENAS DE ARXIMIL NA HONRA A SAN VITORIO O Goberno local do Concello de Sober colabora coa celebración das festas patronais na honra a San Vitorio no lugar de As Penas, na parroquia de Arximil. A festividade levarase a cabo esta fin de semana, do 26 ao 28 de agosto.   A xornada festiva comezará o venres 26 a partir das 21:00 horas coa tradicional pancetada acompañada de pementos de Padrón, que estará amenizada pola actuación do grupo D´Lider.   O sábado 27, o día grande da festas, iniciarase coa celebración dunha misa solemne en torno ás 13:30 horas. A posterior sesión vermú correrá a cargo do dúo La Hora de la Bruja. Xa pola tarde, en torno ás 20:00 horas os nenos e nenas poderán desfrutar con diversos xogos infantís. A verbena da noite contará coa actuación da orquestra Superfama e unha novo recital do grupo La Hora Bruja.   O domingo 28 oficiarase unha nova misa solemne na igrexa parroquial e o dúo Escobar será o encargado de poñer o toque musical na sesión vermú. O fin de festa correrá a cargo da mesma agrupación musical a partir das 21:00 horas da noite.   O alcalde do Concello de Sober, Luis Fernández Guitián, convida a todos os veciños e veciñas a participar desta festividade,