|
|
NOVAS |
SOBER ACOLLE A PRESENTACIÓN DO PRIMEIRO ESPUMOSO QUE SE ELABORA EN TERRITORIO RIBEIRA SACRA
O Concello de Sober apadriñou hoxe a presentación do primeiro espumoso que se elabora en territorio Ribeira Sacra, baixo o nome de Chris, froito dun traballo case artesanal. O alcalde, Luis Fernández Guitián, acompañou á súa creadora, Cristina Murga, durante o lanzamento deste novo produto.
O viño, un espumoso feito con treixadura e godello, foi elaborado durante tres anos na súa cova de Sober pola enóloga Cristina Murga, quen ten previsto comercializalo a partir do Nadal. A autora explicou que a cova presenta as condicións idóneas para a súa segunda fermentación.
Ademais da presentación do produto e de explicar os pormenores da súa elaboración tamén se fixo unha degustación dos viños nos que traballa. Tratase dunha iniciativa novidosa que se asenta en Sober por consideralo a promotora como o lugar máis axeitado.
A enóloga é especializada en espumosos e nesta colleita decidiu emprender un novo proxecto propio despois de ter traballado na DO Valdeorras. Asegura que se trata dun proxecto “moi ilusionante”. Os seus anteriores traballos foron ‘Danza’ e ‘Brinde’.
O formato de comercialización será o de estoxos de 1 unidade e de branco lexímito en botellas de 1,5 litros en caixa de cartón. Chris Blanco Lexítimo véndese en formato mágnum, unha serie limitada de 400 botellas realizada exclusivamente coa variedade galega de branco lexítimo.
O alcalde de Sober, Luis Fernández Guitián, saudou esta iniciativa que permite usar a uva deste territorio para abrir novos mercados e seguir levando o nome de Sober por todo o mundo.
|
|
|
|
|
|