|
|
NOVAS |
PAULA VÁZQUEZ VERAO PRESENTA A SÚA RENUNCIA COMO CONCELLEIRA EN SOBER
A voceira de Agroma Sober, Paula Vázquez Verao, presentou onte a súa renuncia como concelleira na Corporación municipal de Sober na sesión do Pleno ordinario.
O alcalde, Luis Fernández Guitián, agradece, no seu nome e no do equipo de Goberno o traballo que leva desenvolvido como voceira dun dos partidos da oposición. Trasládalle os mellores desexos para os seus vindeiros cometidos nos que, agarda, siga tendo presente á súa terra natal e aos seus veciños e veciñas.
Paula Vázquez Verao foi concelleira durante os pasados dous mandatos na Corporación local e seguirá a ser membro do Parlamento de Galicia polo Grupo de En Marea. Na Corporación municipal será substituída por Esteban José Sánchez López, natural de Canabal e número tres da lista de Agroma Sober ás eleccións municipais do ano 2015.
|
|
|
|
|
|