NOVAS DO CONCELLO

NOVAS O CONCELLO DE SOBER REPARTIRÁ 30 NOVOS COMPOSTEIROS DOMÉSTICOS ENTRE A VECIÑANZA O Goberno local do Concello de Sober repartirá 30 novos composteiros domésticos entre a veciñanza. É a terceira vez que o Concello, en colaboración con Sogama, reparte composteiro domésticos. Con esta nova entrega os recipientes entregados entre os veciños e veciñas suman xa o centenar.   Para poder conseguir unha composteiro doméstico é preciso cursar unha solicitude nas oficinas municipais. O Goberno local ten previsto impartir un curso de formación na xornada de entrega, que se fará a principios do mes de maio.   O compostaxe doméstico é o proceso de descomposición biolóxica da materia orgánica xerada no fogar, como son os restos de comida e podas, obtendo un produto final, o compost, que pode ser utilizado como acondicionador de solos en xardíns e hortos das vivendas que o elaboran.   O compostaxe doméstico ten grandes vantaxes sobre o medio ambiente, a economía e a sociedade, xa que a materia orgánica representa en torno ao 40% da composición media da nosa bolsa do lixo.   Máis contedores de recollida selectiva Por outro lado, o alcalde de Sober, o popular Luis Fernández Guitián, avanzan que está previsto repartir mais contedores de recollida selectiva na capitalidade e nas parroquias e facer campañas de sensibilización.