NOVAS DO CONCELLO

NOVAS O CONCELLO DE SOBER SEGUE A RENOVAR OS ALUMEADOS PÚBLICOS CON LUCES LED DE ÚLTIMA XERACIÓN O Concello de Sober continúa renovando os alumeados públicos con luces leds de última xeración. Recentemente fíxose o cambio en Campoverde e A Carboeira e esta semana quedarán rematados os traballos en Vilapedre e Carboeiro.   Nos últimos meses fíxose a renovación en máis de 25 lugares das parroquias de Pinol e Gundivós, así como en Castroseiros (Neiras), Viloudriz (Refoxo), Fontemaior (Lobios), no núcleo de Doade, Sistindomato e Camporrairo en Canabal ou Mer e Froxán en Proendos, entre outros lugares.   Nos últimos traballos de mellora en alumeados o Concello investiu preto de 30.000 euros de recursos propios.   Próximas actuacións Nos próximos meses continuarse co cambio a luz led nos pobos do Concello nos que aínda hai lámpadas de vapor de sodio.   Na actualidade o 50 por cento dos alumeados do Concello son de haloxenuro metálico, o 30 por cento de luz led e o 20 por cento restante  é vapor de sodio, que se cambiará pronto.   O alcalde de Sober, Luis Fernández Guitián, explica que coas melloras feitas nos alumeados de Sober o Concello consigue por un lado, unha mellor iluminación e por outro, menos contaminación lumínica. Ao mesmo tempo acádase un importante aforro na factura eléctrica.