NOVAS DO CONCELLO
 
NOVAS
O CONCELLO DE SOBER FELICITA O NADAL COA PARTICIPACIÓN DOS VECIÑOS E VECIÑAS



O Goberno local do Concello de Sober contou este Nadal cos veciños e veciñas para felicitar as Festas. Así, ao longo destes días, desde o pasado sábado, o Facebook oficial do Concello de Sober comparte numerosos vídeos chegados desde diversas parroquias e colectivos nos que se desexa un Bo Nadal e se comparten os mellores desexos para o 2019.
 
Así, teñen participado desta iniciativa os nenos e nenas do CEIP Plurilingüe Virxe do Carme, os da gardería, o alumnado da Escola Municipal de Música e da Escola Municipal de Teatro, os participantes nas Merendas con Contos, a Banda de Música de Sober, o Coro Berea, a Escola de Hostalería Belarmino Fernández Iglesias, de Rosende, a residencia de maiores Virxe do Carme, así como todos os veciños e veciñas que participan na ximnasia de mantemento ou os futbolistas da localidade, entre outros moitos.
 
Os vídeos que o Concello vén de publicar, entre eles o do persoal municipal co alcalde á fronte, Luis Fernández Guitián, acadaron unha gran repercusión a través do Facebook sendo compartido por numerosos veciños e veciñas e rexistrando un importante número de interaccións.
 
O Goberno local agradece a implicación de todos os soberinos e soberinas con esta iniciativa. O alcalde aproveitou ademais a súa mensaxe acompañado do persoal municipal para pedirlle a todos os seguidores e seguidoras que aproveiten estas datas para “brindar con Amandi” contribuíndo así á promoción dos nosos viños tamén nestas datas festivas.


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com