NOVAS DO CONCELLO

NOVAS O CONCELLO DE SOBER ACOMETE MELLORAS NOS CAMPOS DE FÚTBOL DE CENTEÁS E A CARQUEIXA O Concello de Sober acomete obras de mellora nos Campos de fútbol de Centeás e A Carqueixa. Dende o Concello de Sober xa se están levando a cabo importantes obras de mellora nos dous Campos de fútbol do municipio nos que xogan o Río Sil e o Sober.   As actuacións consisten, entre outros traballos, en sementar de céspede os dous estadios.   Os traballos, que contan con máis de 100.000 euros de presuposto, están financiados con fondos municipais e dúas axudas da Vicepresidencia Primeira da Xunta de Galicia, unha través da Secretaría Xeral para o Deporte e outra concedida pola Dirección Xeral de Administración Local destinada a aforro enerxético.   As melloras previstas Entre as melloras previstas nos dous campos vaise mellorar o terreo de xogo cun tratamento específico para eliminar malas herbas, con escarificado do terreo e sementado.   Por outro lado, vanse colocar novos bancos para os xogadores e farase a instalación de alumeado LED de última xeración, tanto no exterior como no interior das distintas instalacións. Tamén serán colocadas bombas de calor para substituír os termos eléctricos, o que suporá mellores prestacións e menor consumo.   O rexedor, Luis Fernández Guitián, destaca que se trata dunhas obras “necesarias” que amosan o compromiso do Goberno local co deporte e cos equipos de fútbol de Sober.