O entroido celébrase en tódalas parroquias de Sober, destacando os xoves de Comadres e Compadres das parroquias de Anllo Santo Estevo, Anllo San Martiño e Sober. Bonecas e bonecos de palla que representan a diversos veciños, asi coma tradicións populares da zona.

O día grande do entroido soberés é o sábado de entroido no que se celebra o desfile de disfraces, con premios para as mellores máscaras nas categorías de comparsas, parellas e individuais polas rúas da capitalidade rematando cunha festa para nenos e maiores no pavillón municipal.

Ese día está mamenizado por moita música e humor. Hai festa para os máis pequenos con inchables, xogos e unha merenda para todos os asistentes á festa.

Contra a noitiña é cando dá comezo o Baile da Cachucha degustación de cachucha e viño.Tendo coma sobremesa o tradicional enchido de tripón ou vexiga, un doce feito de pan, leite, azúcar e ovos moi típico da zona.

Co gallo de mellorar sempre, esta celebración de entroido nos últimos anos sumouse  un Certame de Coplas de Comadres e Compadres, que premia a inventiva e crítica propia desta festa pagana. A finalidade deste certame é que se poña de manifesto, de xeito crítico e humorístico, os feitos acontecidos durante o ano.